LoReS 2.0 – Lombard Restruiturad Stàndard, version 2017

En quell artícol quí podiv trovar tuît i lâç útîl per studiar e conòscer la prima grafia polinòmica su impronta gàllica per la lengua lombarda e per el contínum galloitàlic. Gràcie a la grafia LoReS, acrònim de Lombard Restruiturad Stàndard, l'è possíbel dar a la lengua lombarda (e gràcie a un quałc acorgimeînt anca a tut el contínum linguístic galloitàlic) una forma gràfica comuna que la jonta ensema tute li parlade de la lengua e que la se rend comprensíbel anca ai parlaînt de una lengua gàllica forestera.

La grafia LoReS l'è nascida a la fin del 2015 dòpo de płussé de 3 aînn de studî faîd sia sul lombard medem, sia su tut el contínum gàllic, dal catalan fin al francés e a li lengue regionaîl de França. Al principi la se cłamava LOriS, acrònim de Lombard Oriental Standardizad, e la g'haviva comè obietiv la standardizacion del blòc oriental (Oròbic) del lombard, ma dòpo pòc la s'è slargada fin ai confîn de tut l'àmbit lombardòfon e entorn a metà 2016, quand l'è stada publicada la prima version PDF que la la spłegava, el sò nòm l'è stad cambiad en LoReS. Atualment l'è apena stada publicada la version ajornada que l'ha vist una mucła de cambiameînt (per exempi la diferença entrà Ò e O en posicion tònica, l'us del circonfless per el plural, la scancellacion del plural de D e T cond la S etc...) per adatar melh la grafia a tut l'àmbit e per dar la possibilità de inxubir pòque variaciôn per doperar-la anca con li altre lengue del contínum.

Tut quell que g'hiv de saveir su la grafia LoReS el podiv lèger end la nœva guida que troviv a quell laç quí:

Ortografia LoReS 2.0.pdf, el PDF en lengua italiana per la nœva grafia.

Se enveci haviv jamò legid la guida que de sora e g'hiv bisògn apena de renfrescar-v la memòria en su comè scríver un quałcòs, podiv wardar a quell laç quí:

Prontuari de scritura LoReS 2.0.pdf, una tabellina svelta svelta per capir comè scríver.