La major part dei spagnœly la cred que la Junts Pel Sí ("Ensema per el Sí", la prima candidatura catalana independentista de le pròssime eleccion, ndr) la tirarà enanç cond i sò płan e la decłararà l'independença de la Catalogna, end el cas que la lista unitària la guadegnes le eleccion del 27 de Setembre, segond un sondaj de la cadena SER elaborad de MyWord.
El 31.8% dei entrevistads (1.000 en total) el tend a questa opcion e l'11.2% el cred que el govern catalan el rivarà a un acordi cond l'executiv spagnœl per reformar el sistema istitucional del Stat envers a una forma de federalism.
D'altra banda, el 28.1% el cred que la situacion política en Spagna la se mantegnerà precisa a comè que l'è adess, cond l'istess modell d'autonomia regionala, e el 28.9% el dix que 'l g'ha mia idea de cosè que 'l sucederà. Per quant a que veder cond la distribucion dintre dei partits (PP Partit Popolar, PSOE Partit Socialista Operer Spagnœl, Podemos Podom, e C's Citadíns), quelly que i cred de płu que la candidatura del Raül Romeva (Junts Pel Sí) la decłararà l'independença i è del partit de l'Albert Rivera (C's, 34.7%).
Dopo del C's el vé Podemos que 'l g'ha un 32.4% de votants orientads su questa opcion. Dintre del PP, envece, un bon 30.4% dey votants el consídera la decłaracion d'independença el camín płussé possible e el partit cond la percentüal płu bassa que la consídera questa via l'è el PSOE (29.1%).
G'è besogn de specificar que dintre dei votants de Podemos, C's e end el resultad global, el scenari de la decłaracion d'independença l'è el majoritari. Entrà y «simpatizants» del PP gh'è nomà l'opcion de mantegnir un contest d'autonomia regionala, incí comè que 'l suced end el PSOE. De faid, la via federala la g'ha un màssim suport dentre dei socialists, però nomà un 17.7% e un 17.6% dintre de Podemos. Incí, segond quest sondaj de la SER, l'alternativa de mantegnir el stàtus quo l'è la via independentista.
Tuts i dreits i è reservads al sit d'origen.
Nessun commento:
Posta un commento