Cuand che se parla de li lengue del nòrd Itàlia, çoè de li lengue italiane parlade ind el nòrd Itàlia, al de sora de la línia Massa-Senigàllia, se sent de spess dir, soratut del pont de vista italian, che queste lengue li g'à la particolarità de vê-g le inçí dide "vocai torbade" çoè, solitament, la [ø] e la [y] (praticament li françese "EU" e "U" e le tudesche "Ö" e "Ü"). Ma è-la pròpi vêra che queste lengue li g'à, tute, quei dô son chí? E soratut, è-li apena queste li "vocai torbade" típiche de quelle parlade chí? Vedom de trovà insema la rispòsta a queste domandine tant coriose.
