L'è nassud propi incœ, 2 de Maj del 2015, el grup de facebook ciamad “Lengua Lombarda: ideë per una standardizazion democràtica”, indovè che se provarà a relazionar-s per discutir de quelle che i è le vàrie problemàtiche d'una standardizazion gràfica de la lengua lombarda.
Un'idea democràtica, che la tenta de dar lux a quelle che i è le ideë de la gent comuna a propòsit de scritura e standard gràfic, da sèmper argoment de linguists e studiós. Sèmper ind un'òtica «seriosa» e «professionala», ognidun al podarà far saver quelle che i è le pròpie preferenze, contestand, renovand, suportand le ja esistenti régole de le ortografie standardizade, come per esempi l'Ortografia Milanesa Classica (chí), l'Ortografia Classega Ocidental (chí), o anca l'Urtugrafía Ünificada (chí), l'Ortograféa del Dücat (chí), l'Ortografìa del Bresà (chí), l'Ortograféa Orientàl Ünificàda (chí), la Scriver Lombard (chí) o la mea personala, la LoRiS (la pàgina l'è gnanc'mò pronta).
Quell grup chí l'è mia nassud per criticar asprament nissuna de le grafie sora citade, ma per discutir-le in manera costrutiva, per trovar un stàndard ortogràfic el pussé "coërent" possíbel, ma tantistèss che al tegna cunt el pussé possíbel de le esigenze e dei gusts de la gent.
Donca, g'hii vœia de deventar dei "ativists" de la lengua? Demandii l'iscrizion al grup e comincii a partecipar ai nòster sondaj. El vòster aiœt al sarà pu preziós d'un diamant!
Nessun commento:
Posta un commento