Una cena e una vísita de Bèrgom... tut en lengua

I dí 28 e 29 de Novembre del 2015 i restarà per sempre end el mé cœr come i dó dí de la lombardofonia. Quan que ho organizad la segonda Cena Lombardòfona, al principi savivi mia que g'havereix havid come hòspeds dó car scłets de Barcelona, anca lor lingüisty, o an'mò que el dí dopo ghe sereix staid l'encontre del Comitad Lombard per la Salvaguàrdia dei Patrimoni Lingüístic. L'è staida una sorpresona que l'ha transformad un fin de setimana qualsevœl en vun per mi indesmentegable.

La pax l'è la mea religion

L'è de venerdí de sera, 13 Novembre 2015, la notícia d'una tragédia causada en płen centre de París del grup de extremists ligads al "Stat Islàmic".

L'è quell fłor la mea lum

Quan que siv trists, quan que g'hiv la convincion que negot el milłorarà, quan que vediv nomà el negre de la vita, regordiv-s que g'hiv nomà de cercar el fłor, el fłor luminós que 'l ve farà trovar la strada per la libertà. Ma fiv atencion perquè l'è mia fàcil. Quell fłor el se pœl scónder dintre d'ogni cosa. Ma el val la pena cercar-l. Perquè l'è quell fłor, la nosta lum.

De Pont Dalegn a Pomponesc... la cartina lombarda dei comun oròbic!

Squiça l'imagen per sgrandir-la.

Volaria de ti, de Pont Dalegn a Pomponesc,

passand per Cremona, de Rivolta a Felònica... per cercar ti!

Probabilment la Giusy Ferreri e la Baby K li g'havereix faid un lavorar del gèner, se li g'hess struiturad la soa cançon vardand quella cartina quí. E quí ve la presenti. Èco la prima part del protòtip (= el pœl cambiar) de la mea cartina, an'mò en fase de creacion, de la toponomàstica en lengua lombarda de la nosta region.

Anca el spaci el se colora de lombard

La pàgina de presentacion de l'event

Quant l'è bell saver que la nosta lengua l'è mia propi dré a morir del tut. Ja, perquè gh'è amò qui que 'l cred al valor del nost lombard e gràcie al sforç de tuts, ogni tant g'hom tuts la possibilità de far un passetín endré e de tornar a un sècol fa, quan que tuts i parlava tranquillament en lengua lombarda sença que vergun el ghe diguess vergot.

Gh'è un nígol

Bentrovads, encœ volł cuntar-v una poësia que ho scrivud un po' de temp fa, endovè que parli d'una de li "malatie" płu brute de tute: la depression... e ve spłegui perquè mi la consíderi úna de li płu brute. Perquè anca se no l'è "grav" come altre malatie, la g'ha un detalł que li altre li g'ha mia: l'è súbdola. La depression la te porta end una spiral emotiva sença fin. La te porta a la mort... ma taaaant lentament.

La “Generacion YouPorn”, come ve formi la società del doman

La “Generacion YouPorn”, incí l'è staida soranominada la part de la popolacion que encœ la g'ha entrà i 10 e i 25 any. E no l'è un nom casual, perquè l'è la medema (çoè l'istessa) generacion que l'ha vist el desvilup de la tecnologia, de l'Ínternet e, oviament, del mercad de la pornografia.

La major part dei spagnœly la cred que Junts Pel Sí la decłararà l'independença

La major part dei spagnœly la cred que la Junts Pel Sí ("Ensema per el Sí", la prima candidatura catalana independentista de le pròssime eleccion, ndr) la tirarà enanç cond i sò płan e la decłararà l'independença de la Catalogna, end el cas que la lista unitària la guadegnes le eleccion del 27 de Setembre, segond un sondaj de la cadena SER elaborad de MyWord.

La nœva gràfica la fa de trampolín al nœv sit... forsi!

En prevision d'una possible rechapada del blog, encœ ve presente la nœva gràfica, płus moderna, minimal e cłara. La gràfica precedenta l'era trop "retró", la me piaxia mia fina en fond e la dava al sit un aspet trop scur. Questa gràfica envece l'è el trampolín per la big news que spere la rivarà prest. Le novità de faid i è mia nomà quí. Són dré a desvilupar un nœv sit, completament renovad e cread entregament (o quasi) de mi, ma cond el poc temp que g'ho en quell moment quí, la roba la se slongarà d'un po'. Quissà, magari de quí a la fin de l'ann el sarà pront. HAHAHAHA

Bona jornada e stiv pronts, de quí a 20 dí ghe sarà la famosa Diada Catalana, a la qual parteciparó e su la qual faró una bella blog-crònaca.

Una Lombardia bilingue l'è possíbel, basta cominçar a mœver-s

Quei qe i me conòsç i sa bén qe la mea posiçion en su l'us de la lengua lombarda end la nòstra società l'è ciara e ben definida. Se el fuss per mi, ghe saress miga compromeîss, perqè la nòstra lengua som noaltrê e una cità qe nò la permet de doperar la nòstra lengua l'è una cità qe no la permet a noaltrê de ésser-g.